O edificio de “La Terraza”, emblema do Modernismo en Sada,
irradiará durante ós proximos 31 de Xullo, 1 e 2 de Agosto, toda a súa esencia
artística para contaxiar a localidade coa frescura dos “tolos” anos 20. Unha
vez máis, a proposta festiva tratará de ofrecer unha amplia variedade de
eventos que satisfagan a un público cada
vez mais exixente, mantendo como finalidade primordial a posta en valor do seu
patrimonio artístico e cultural.
Programada durante a primeira fin de semana de agosto, a
Feira Modernista estase a converter nun dos eventos e reclamos turísticos
principais de Sada, localidade que fixo do turismo un dos seus principais
medios de vida.
Esta singular opción festiva concentra un grande número
de propostas culturais destinadas ó gran público, nas que a música e a danza
danse a man para facer que o público recree e respire o ambiente da sociedade
de principios do século XX.
Destacar tamén o bautismo aéreo
na modalidade de “voo cautivo” no que as persoas que acudan caracterizados coa
súa mellor “vestimenta de época” terán prioridade á hora de subir ,de maneira
gratuíta, a un globo aerostático, que se elevará, entre as 19:00 e as 21:00h.
do sábado, para contemplar unha perspectiva privilexiada da vila, engalanada
para a súa Feira Modernista.
Nesta edición como nas anteriores, búscase favorecer a
participación dos veciños, do tecido empresarial e de todos os que se acheguen
á localidade. Unha interesante oferta de concertos, clases de danza, pasarrúas,
xogos tradicionais, charlas e conferencias, exposicións didácticas na rúa e una
atractiva proposta gastronómica construirán o esquelete desta cuarta edición do
modernismo en Sada.
“Musicalismos” iniciado na pasada edición, é a oferta
musical e de danza que trata de tocar os
diferentes estilos musicais que foron tomando forma ó longo da primeira parte
do seculo pasado. A proposta artística
desta edición, contará con :“Liza´s Ladies e Revival Stompers”, “O Sister!”,
“Gallaecia Big Band” e “Potato Head Jazz Band” como principais nomes da escena
do “swing” a nivel nacional.
O “Mercado Modernista”, fundamental nesta feira, verá
incrementado o seu número de casetas con repecto á pasada edición, e estará
aberto ó longo da celebración do evento. Coma sempre, a participación de todos
ós que asistan a esta feira, e a sua caracterización de época será o prato
fundamental, neste menú festivo, no que
se misturan todo tipo sabores culturais.
Programación
Feira Modernista
VENRES
31 DE XULLO.
II MUSICALISMOS:“Liza´s Ladies e Revival Stompers”.
19:00h. Paseo Marítimo.
Animación musical e de danza. Actuación de danza-cabaret
con acompañamento musical en directo a cargo dos “Revival Stompers”. A comitiva
partirá da Casa da Cultura en pasarrúas en dirección ó Porto. Haberá unha
actuación en parado nos arredores do edificio do Concello, antiga Axudantía.
21:00h. Praza de San Roque.
Segundo pase das Liza´s Ladies, que guiarán un desfile
popular de “vestimenta modernista” dende a Praza de San Roque ata a Carpa
Acendida. Alí ofrecerán unha actuación sobre o escenario da carpa.
II MUSICALISMOS: “O Sister!” (Sevilla).
22:00h. Carpa Acendida. Dende o escenario da Carpa
Acendida, reviviremos a música das formacións vocais de inicios do s. XX coa
actuación dunha das mellores representantes deste tipo de música a nivel
nacional.
SÁBADO
1 DE AGOSTO.
II MUSICALISMOS: “Clase de danza. Escola de danza Carmen
López”.
12:00h. Praza de San Roque.
Sesión didáctica de danza aberta a todos os públicos.
Guiada polos profesores da escola de danza de Carmen López, ensinarán ós
asistentes a moverse ós ritmos que soaban nos cafés e salóns modernistas, como
o fox-trot, o swing, o charleston...
“Globo aerostático: voo cautivo”.
18:00h. Praia das Delicias, ó lado do río.
Dende as 18:00h. comezarán na Praia das Delicias os
preparativos para o inflado dun gran globo aerostático, no que o público da
Feira Modernista poderá darse un bautismo aéreo na modalidade de “voo cautivo”
entre as 19:00h. e as 21:00h. As persoas que acudan ataviados coa súa mellor
“vestimenta de época” terán prioridade á hora de subir, de maneira gratuíta,
sobre o ceo sadense para contemplar o marco incomparable do entorno das Mariñas
de Sada, desfrutando dunha perspectiva privilexiada da vila engalanada para a
súa Feira Modernista.
II MUSICALISMOS: “O Sister!” (Sevilla).
21:30h. Carpa Acendida.
Segundo pase de concerto desta banda sevillana que abrirá
unha velada con moito ritmo, recuperando a esencia orixinal das bandas vocais
das orixes do jazz e blues dos “anos 20”.
II MUSICALISMOS:
“Potato Head Jazz Band” (Granada).
23:00h. Carpa Acendida.
Propoñemos unha festa musical moi animada, cunha
formación granadina que promete facer que o público se entregue ó ritmo e á
animación máis desenfrenada da música dos “alegres anos 20”.
DOMINGO
2 DE AGOSTO.
“Thé Dansant”.
18:00h. No entorno da Carpa Acendida.
Sesión vespertina de música e baile, acompañada de
aperitivos, te, café, champagne, froita... que, segundo a prensa da época, adoitaba
a celebrarse no edificio de La Terraza. Trátase dun encontro festivo para
celebrar o verán, a calor, a vida... e festexar esta edición da Feira
Modernista, coas seguintes actuacións en directo:
II MUSICALISMOS:
“Potato Head Jazz Band” (Granada).
19:00h. Carpa Acendida.
Propoñemos unha festa da música cun segundo pase desta
formación granadina cos que comezaremos a poñer un broche festivo e de altura a
este II Festival Musical-ismos. Porán o acompañamento musical ideal para animar
a Carpa Acendida e o entorno do Mercado Modernista.
II MUSICALISMOS:
“Gallaecia Big Band & The Lollipops” (Santiago).
20:30h. Carpa Acendida.
Esta Big Band galega formada por artistas de grande
experiencia e que atesouran unha importante formación musical, xurdida de
formacións musicais de acompañamento de diferentes programas televisivos, porá
o punto e final festivo e espectacular tanto ó Festival Musical-ismos como a
esta edición da Feira Modernista. A súa proposta musical aporta un aire fresco
á escena galega, diferenciándose tanto polo seu estilo como pola súa calidade.
No hay comentarios:
Publicar un comentario