O
conselleiro de Cultura entregou a Santiso a distinción polo traballo da
entidade a favor do Camiño
O alcalde de Abegondo e presidente de As Mariñas Coruñesas, José Antonio
Santiso, recibiu hoxe na Cidade da Cultura, en representación da Reserva da
Biosfera, o primeiro premio Camiño de Santiago, promovido por Turismo de
Galicia.
A entidade recoñece así o traballo da Reserva para a promoción do Camiño
Inglés. En concreto, a distinción procede de varias accións. En primeiro lugar
no ámbito de mellora do Camiño: a reserva organizou un proxecto de eliminación
de especies invasoras na entrada do Camiño á Reserva por Miño. Foron 139.000
metros cadrados nos que se actuou e se rehabilitaron con vexetación autóctona.
E a nivel turístico e de promoción, destácase a conxunción da vía a
Compostela coas outras rutas do territorio. E o apoio á apertura do mesón Xente
no Camiño en Presedo, centro único destas características.
Santiso, que foi acompañado de alcaldes, concelleiros, e representantes de
asociacións e do comité científico das Mariñas Coruñesas, recibiu o premio de
mans do conselleiro de Cultura, Román Rodríguez. “Quédanos moito por facer, e recoñecementos como este
axúdanos a seguir perseverando”, afirmou.
O
alcalde avanzou que aínda quedan retos como mellorar a zona de afección do
Camiño, poñendo en valor os espacios públicos, e promovendo que se convirtan os Camiños en
corredores verdes.